Ընկերություն ZTE հայտարարել է Nubia Red Magic 5G առաջատար խաղային սմարթֆոնի նոր մոդիֆիկացիայի մասին։ Նոր տարբերակը հասանելի կլինի 12 ԳԲ օպերատիվ հիշողությամբ և 128 ԳԲ մշտական հիշողությամբ կոնֆիգուրացիայով: Մինչ այդ 12 ԳԲ օպերատիվ հիշողության հետ համատեղ առաջարկվում էր ընդամենը 256 ԳԲ սկավառակ։ Սարքը հասանելի կլինի միայն Eclipse Black գույնով։
Բացի զգալի քանակությամբ RAM-ից և պահեստից, սմարթֆոնը պարծենում է առաջատար Qualcomm Snapdragon 865 չիպսեթով և հինգերորդ սերնդի ցանցերի աջակցությամբ: Չիպը համալրված է ակտիվ հովացման համակարգով՝ հզոր օդափոխիչով: Բացի այդ, սա միակ սմարթֆոնն է, որը հագեցած է 144 Հց թարմացման արագությամբ էկրանով, ինչը երաշխավորում է առավելագույն սահունություն ինչպես ինտերֆեյսի հետ աշխատելիս, այնպես էլ ամենախստապահանջ խաղերում։
Nubia Red Magic 5G սմարթֆոնը վաճառվում է շուկաների մեծ մասում այսօրվանից։ ԱՄՆ-ում դրա վաճառքը կմեկնարկի հունիսի 22-ին։ Սարքի արժեքը կազմում է 599 դոլար, ինչը այնքան էլ շատ չէ անզիջում կատարողականությամբ, առաջատար լցոնմամբ և շուկայում ամենաբարձր թարմացման արագությամբ էկրանով խաղային սմարթֆոնի համար:
Կարդացեք նաև.