ԱՄՆ իշխանությունները քննարկում են չինական TikTok հավելվածի գործարկումը երկրի տարածքում արգելելու հնարավորությունը, հուլիսի 6-ին FOX News հեռուստաալիքի եթերում ասել է պետքարտուղար Մայք Պոմպեոն։
Հեռուստահաղորդավարը Պոմպեոյին հարցրել է, թե արդյոք ԱՄՆ իշխանությունները կարող են հետևել Հնդկաստանին չինական հարթակների, այդ թվում՝ TikTok-ի գործունեությունը արգելելու հարցում՝ ենթադրելով, որ այս սոցիալական ցանցի ղեկավարությունն իբր օգտատերերի տվյալները փոխանցել է չինական իշխանություններին։
«Մենք սա շատ լուրջ ենք վերաբերվում։ Մենք անպայման ուսումնասիրում ենք սա: Ինչ վերաբերում է սմարթֆոնների վրա չինական հավելվածներին, ապա վստահեցնում եմ, որ ԱՄՆ-ը համապատասխան միջոցներ է ձեռնարկում»,- ասել է Պոմպեոն։
Ավելի քան 30 միլիոն օգտատեր ԱՄՆ-ից գրանցված է TikTok-ում։ 2019 թվականի նոյեմբերին ԱՄՆ ազգային անվտանգության մարմինները հետաքննություն են սկսել TikTok-ի սեփականատիրոջ՝ չինական ByteDance Technology ընկերության նկատմամբ։ ԱՄՆ օրենսդիրները մտահոգված են, որ հավելվածների սեփականատերերը գրաքննելու են բովանդակությունը: Նրանք նաև հարցեր ունեն, թե ինչպես են պահվում օգտատերերի անձնական տվյալները։
Կարդացեք նաև.